(٦٤٨) (الف) محدث رجاء بن مرجی فرماتے ہیں کہ ہم احمد بن حنبل، علی بن مدینی اور یحییٰ بن معین مسجد خیف میں جمع ہوئے، وہاں مسِ ذکر پر بحث و مباحثہ ہوا (کہ اس پر وضو ہے یا نہیں) تو یحییٰ بن معین نے کہا : اس سے وضو ہے۔ علی بن مدینی نے کو فیوں کے قول کی تقلید کی۔ ابن معین کی دلیل سیدہ بسرہ بنت صفوان (رض) کی حدیث ہے اور علی بن مدینی (رح) کی دلیل سیدنا طلق بن قیس کی روایت ہے اور انھوں نے یحییٰ بن معین سے کہا کہ آپ بسرہ بنت مروان (رض) اور مروان بن حکم کی حدیث کو کیسے قبول کریں گے جبکہ مروان نے تو ایک سپاہی بھیجا تھا تو مروان کی طرف سیدہ بسرہ (رض) نے جواب بھیجا تو یحییٰ بن معین نے کہا کہ مروان نے اس پر بس نہیں کی وہ سیدہ بسرہ (رض) کے پاس آئے اور ان سے حدیث سنی، پھر یحییٰ بن معین نے کہا : اکثر لوگ قیس بن طلق والی روایت پر ہیں اور وہ حدیث قابل حجت نہیں۔
(ب) سیدنا ابن عمر (رض) سے روایت ہے کہ شرمگاہ کو چھونے سے وضو کیا جائے گا۔ (ج) سیدنا علی (رض) کہتے ہیں کہ ابن مسعود (رض) فرماتے تھے : اس سے وضو نہیں ہے وہ تو تیرے جسم کا ایک ٹکڑا ہے۔ یحییٰ کہتے ہیں کہ پھر حدیث کس سے ہے ؟ تو انھوں نے کہا : سیدنا عبداللہ (رض) سے ہی۔ (د) امام احمد بن حنبل فرماتے ہیں کہ عمارکہتے ہیں : مجھے کوئی پروا نہیں کہ میں چھوؤں یا نہ چھوؤں۔