(٦٤٧٣) عروہ بن زبیر بیان کرتے ہیں کہ آپ (صلی اللہ علیہ وآلہ وسلم) نے فرمایا :” جب تم میں سے کوئی بارش یا بجلی کو دیکھے تو اس کی طرف اشارہ نہ کرے بلکہ اس کی نعت وصفت بیان کرے۔
سلیمان بن عبداللہ عویمر سے اور وہ عروہ سے بیان کرتے ہیں، اس لمبی حدیث میں جس کو ہم نے ابو سعید سے سنا۔
عبداللہ بن عویمربیان کرتے ہیں کہ میں عروۃ بن زبیر کے ساتھ تھا۔ میں نے اپنے ہاتھ سے بادلوں کی طرف اشارہ کیا تو انھوں نے کہا : تو ایسا نہ کر ، بیشک رسول کریم (صلی اللہ علیہ وآلہ وسلم) نے اس سے منع کیا ہے کہ اس کی طرف اشارہ کیا جائے ۔ ابن ابی حسین بیان کرتے ہیں کہ بیشک نبی کریم (صلی اللہ علیہ وآلہ وسلم) نے بارش کی طرف اشارہ کرنے سے منع کیا ہے۔ یہ روایت مرسل ہے۔