(٦٥٠) (الف) سفیان اور ابن جریج اکٹھے ہوئے تو انھوں نے مس ذکر پر بحث و مباحثہ کیا۔ ابن جریج کہتے ہیں : اس سے وضو کیا جائے گا اور سفیان کہتے ہیں : وضو نہیں کیا جائے گا۔ سفیان کہتے ہیں : مجھے بتاؤ اگر کوئی آدمی اپنے ہاتھ سے منی پکڑ لیتا ہے تو اس پر کیا ہے ؟
ابن جریج کہتے ہیں کہ اپنا ہاتھ دھوئے گا تو انھوں نے پوچھا : کیا منی زیادہ بڑی ہے یا شرمگاہ کو چھونا بڑا ہے ؟ تو ابن جریج نے کہا : یہ بات شیطان نے تمہارے دل میں ڈالی ہے۔
(ب) شیخ کہتے ہیں کہ ابن جریج کی مراد یہ ہے کہ سنت کا تقابل قیاس سے نہیں کیا جائے گا۔
(ج) امام شافعی (رح) نے زعفرانی والی روایت میں ذکر کیا ہے کہ میں نے صحابہ سے یہ نقل کیا ہے کہ اس میں وضو نہیں ہے یہ اس کی اپنی رائے ہے اور جس نے وضو واجب قرار دیا تو ان کی اتباع کرتے ہوئے واجب قرار دیا ہے۔