(٦٥٥) ابوبکر حمیدی کہتے ہیں : میں نے یحییٰ بن سعید قطان سے سنا کہ انھوں نے سفیان بن عیینہ سے اس حدیث کے متعلق سوال کیا، یعنی ہم نے رسول اللہ (صلی اللہ علیہ وآلہ وسلم) کے ساتھ کندھوں تک تیمم کیا۔ سفیان نے فرمایا : میں اسماعیل بن امیہ کے پاس حاضر ہوا، وہ زہری کے پاس آئے اور عرض کیا : اے ابوبکر ! لوگ آپ کی دو حدیثوں کا انکار کرتے ہیں ! انھوں نے پوچھا : وہ کونسی ہیں ؟ انھوں نے فرمایا : انھوں نے کندھوں تک تیمم کیا۔
زہری کہتے ہیں : عمار سے روایت ہے کہ ہم نے نبی (صلی اللہ علیہ وآلہ وسلم) کے ساتھ کندھوں تک تیمم کیا۔ اسماعیل کہتے ہیں : عبید اللہ کی حدیث میں بغلوں کو چھونے کا ذکر ہے۔
عبیداللہ سے روایت ہے کہ سیدنا عمر (رض) نے ایک آدمی کو بغلیں چھونے کی بنا پر وضو کرنے کا حکم دیا۔
بسا اوقات ہاتھ دھونے کا حکم صفائی کی وجہ سے ہوتا ہے۔ واللہ اعلم۔