(٦٥٦٣) حضرت ابوہریرہ (رض) سے روایت ہے کہ میں نے رسول اللہ (صلی اللہ علیہ وآلہ وسلم) کو فرماتے ہوئے سنا : کسی کو اس کا عمل ہرگز جنت میں داخل نہیں کرے گا۔ انھوں نے کہا : نہ ہی آپ کو اے اللہ کے رسول ؟ تو آپ (صلی اللہ علیہ وآلہ وسلم) نے فرمایا : اور نہ ہی مجھ کو مگر یہ کہ اللہ تعالیٰ مجھے اپنی رحمت اور فضل میں چھپالے “ ۔ سو تم سیدھے رہو اور قریب قریب رہو اور کوئی تم میں سے موت کی خواہش نہ کرے ۔ اگر وہ نیکی کرنے والا ہے تو شاید اس کی نیکی میں اضافہ ہوجائے اور اگر وہ گناہ گار ہے تو شاید توبہ کرلے۔