(٦٥٨٤) عبد الرحمن بن ابی لیلیٰ کہتے ہیں : ابو موسیٰ اشعری حسن بن علی (رض) کی عیادت کی غرض سے آئے تو علی (رض) نے کہا : تو عیادت کیلئے آیا ہے یا خوشامد کیلئے ؟ انھوں نے کہا : بلکہ عیادت کیلئے تو علی (رض) نے کہا : اگر تو عیادت کی غرض سے آیا ہے تو میں نے رسول اللہ (صلی اللہ علیہ وآلہ وسلم) سے سنا ہے کہ آپ (صلی اللہ علیہ وآلہ وسلم) فرمایا جب انسان اپنے بھائی کی عیادت کیلئے آتا ہے وہ جنت کی پھلواڑیوں میں چلتا ہے حتیٰ کہ وہ بیٹھ جائے۔ جب بیٹھ جاتا ہے تو اللہ تعالیٰ کی رحمت اسے ڈھانپ لیتی ہے۔ اگر وہ صبح کے وقت گیا تو شام تک ستر ہزار فرشتے اس کی بخشش کی دعا کرتے ہیں۔ اگر رات کو جاتا ہے تو صبح ہونے تک ستر ہزار فرشتے دعا مغفرت کرتے رہتے ہیں۔