(٦٦٥٦) (سالم بن عبید اشجعی کہتے ہیں : جب رسول اللہ (صلی اللہ علیہ وآلہ وسلم) فوت ہوگئے تو سب لوگوں میں سے زیادہ گھبرانے والے عمربن خطاب تھے اور انھوں نے ابوبکر (رض) سے کہا : اے رسول اللہ (صلی اللہ علیہ وآلہ وسلم) کے ساتھی ! کیا رسول اللہ (صلی اللہ علیہ وآلہ وسلم) وفات پا گئے ہیں تو انھوں نے کہا : ہاں رسول اللہ (صلی اللہ علیہ وآلہ وسلم) فوت ہوگئے ہیں تو انھوں نے کہا : اے رسول اللہ (صلی اللہ علیہ وآلہ وسلم) کے ساتھی ! آپ (صلی اللہ علیہ وآلہ وسلم) کو غسل کون دے گا ؟ تو انھوں نے کہا : آپ (صلی اللہ علیہ وآلہ وسلم) کے گھر کے جو قریبی افراد ہیں۔ پھر لوگوں نے کہا : اے صاحب رسول اللہ ! آپ (صلی اللہ علیہ وآلہ وسلم) کو کہاں دفن کیا جائے گا تو انھوں نے کہا : آپ (صلی اللہ علیہ وآلہ وسلم) کو اسی جگہ پر دفن کرو جہاں آپ (صلی اللہ علیہ وآلہ وسلم) کی روح قبض کی گئی۔ آپ (صلی اللہ علیہ وآلہ وسلم) کو آپ کی محبوب جگہ میں قبض کیا گیا۔