(٦٦٧٨) سیدہ عائشہ (رض) بیان کرتی ہیں کہ رسول اللہ (صلی اللہ علیہ وآلہ وسلم) کو تین سفید کپڑوں میں کفن دیا گیا جو ” سحولیۃ “ تھے اور وہ کرسف (روئی) سے تھے۔ جن میں قمیض اور عمامہ نہیں تھا لیکن جو حلہ ہے اس میں لوگوں کو اشتباہ ہوا ہے کیونکہ وہ حلہ آپ (صلی اللہ علیہ وآلہ وسلم) کے کفن کیلئے خریدا گیا تھا مگر اسے چھوڑ دیا گیا جو عبداللہ بن ابی بکر نے لیا اور انھوں نے کہا : اسے میں اپنے لیے رکھوں گا تاکہ میں اس میں کفن دیا جاؤں۔ پھر انھوں نے کہا : اگر اللہ تعالیٰ کو اپنے نبی کیلئے پسند ہوتا تو ضرور آپ (صلی اللہ علیہ وآلہ وسلم) کو اس میں کفن دیا جاتا۔ سو نہوں نے اسے بیچ دیا اور اس کی قیمت کو صدقہ کردیا۔