(٦٦٩٧) حضرت سھل (رض) بیان کرتے ہیں کہ ایک عورت بنی ہوئی چادر رسول اللہ (صلی اللہ علیہ وآلہ وسلم) کے پاس لائی جس میں حاشیہ بھی تھا۔ پھر انھوں نے کہا : کیا تم جانتے ہو یہ ” بردہ “ کیا ہے ؟ تو انھوں نے کہا :(شملہ) چادر ہے تو انھوں نے کہا : ہاں ہاں۔ وہ عورت کہنے لگی : اسے میں نے اپنے ہاتھ سے بنا ہے، میں اس لیے لائی ہوں تاکہ آپ (صلی اللہ علیہ وآلہ وسلم) کو پہناؤں تو اسے رسول اللہ (صلی اللہ علیہ وآلہ وسلم) نے پہن لیا گویا کہ آپ اس کی ضرورت محسوس کر رہے تھے۔ پھر آپ نکلے اس حال میں کہ وہ آپ کا تہبندیا چادر تھی ۔ ١ براہیم کو شک ہے ، اسے ایک آدمی نے چھوا جس کا انھوں نے اس دن نام لیا تھا اور اس نے کہا : یہ چادر کتنی اچھی ہے، کیا آپ مجھے پہنائیں گے تو آپ (صلی اللہ علیہ وآلہ وسلم) نے فرمایا : ہاں تو جب رسول اللہ (صلی اللہ علیہ وآلہ وسلم) اپنے گھر آئے تو وہ چادر اس صحابی کو بھیج دی۔ لوگوں نے اسے کہا : اللہ کی قسم ! تو نے اچھا نہیں کیا ۔ آپ (صلی اللہ علیہ وآلہ وسلم) نے ضرورت محسوس کرتے ہوئے اسے پہنا تھا مگر تو نے وہی مانگ لی اور تو جانتا ہے کہ آپ (صلی اللہ علیہ وآلہ وسلم) سائل کو نہیں لوٹایا کرتے تو اس نے کہا : اللہ کی قسم ! میں نے نہیں مانگی یہ مگر اس لیے کہ یہ میرا کفن بن جائے جب میں مرجاؤں س۔ ھل کہتے ہیں : جب وہ فوت ہوا تو وہی چادر اس کا کفن بنی۔