(٦٧١٧) حضرت عبداللہ بن عباس (رض) سے روایت ہے کہ جب یہ ارادہ کیا گیا کہ آپ (صلی اللہ علیہ وآلہ وسلم) کے لیے قبر کھو دیں تو ابو عبیدہ (رض) بن جراع اہل مکہ کیلئے صندوقی قبر بناتے تھے اور ابو طلحہ زید بن سھل اہل مدینہ کے لیے بغلی قبر بناتے تھے تو عباس نے آدمیوں کو بلایا اور ان کو گردنوں سے انھیں پکڑا ۔ ایک سے کہا : تو ابو عبید ہ کی طرف جا اور دوسرے سے کہا : تو ابو طلحہ کی طرف جا اور کہا : اے اللہ ! رسول اللہ (صلی اللہ علیہ وآلہ وسلم) کیلئے ان دونوں میں سے جسے چاہے لے آ، جو آپ (صلی اللہ علیہ وآلہ وسلم) کیقبر کو کھودے تو ابو طلحہ کے ساتھی نے اسے پا لیا اور اسے لے آیا اور ابو عبیدہ کے ساتھی نے عبیدہ کو نہ پایا تو رسول کریم (صلی اللہ علیہ وآلہ وسلم) کیلئے لحد تیار کی گئی۔