(٦٧٥٨) قاسم بن محمد بیان کرتے ہیں : میں سیدہ عائشہ (رض) کے پاس گیا اور میں نے کہا : اے امی جان ! مجھے رسول اللہ اور ان کے ساتھیوں کی قبریں دکھاؤ تو انھوں نے مجھے تین قبریں دکھائیں جو اونچی یا اوپر کو اٹھی ہوئی نہ تھیں بلکہ وہ بطحا کے سرخ میدان کی طرح تھی ۔ میں نے رسول اللہ کو سب سے آگے دیکھا اور ابوبکر (رض) کے سر کو رسول اللہ (صلی اللہ علیہ وآلہ وسلم) کے کندھوں کے پاس اور عمر (رض) کے سر کو رسول اللہ (صلی اللہ علیہ وآلہ وسلم) کے پاؤں کے پاس۔