(٦٨٠٩) عقبہ بن عامر (رض) سے روایت ہے کہ ایک دن آپ (صلی اللہ علیہ وآلہ وسلم) نکلے اور شہداء احد پر نماز پڑھی جیسے نماز جنازہ ادا کی جاتی ہے۔ پھر آپ (صلی اللہ علیہ وآلہ وسلم) منبر کی طرف پلٹے اور آپ (صلی اللہ علیہ وآلہ وسلم) نے فرمایا : میں تمہارا پیش روہوں اور میں تم پر گواہ ہوں ۔ اللہ کی قسم ! اب میں حوض کوثر کو دیکھ رہا ہوں اور بیشک میں زمین کے خزانوں کی چابیاں دیا گیا ہوں یا آپ نے زمین کی چابیاں فرمایا اور فرمایا : اللہ کی قسم ! میں نہیں ڈرتا کہ تم میرے بعد شرک کرو گے بلکہ میں ڈرتا ہوں کہ تم دنیا میں پھنس جاؤ گے۔