(٦٨١٧) شداد بن ھاد بیان کرتے ہیں کہ دیہاتیوں میں سے ایک آدمی نبی کریم (صلی اللہ علیہ وآلہ وسلم) کے پاس آیا۔ وہ ایمان لایا اور آپ (صلی اللہ علیہ وآلہ وسلم) کی اتباع کی اور اس نے کہا : میں آپ (صلی اللہ علیہ وآلہ وسلم) کے ساتھ ہجرت کروں گا تو آپ (صلی اللہ علیہ وآلہ وسلم) نے اس کے متعلق اپنے بعض صحابہ کو وصیت کی ۔ سو جب غزوہ خیبر ہوئی تو رسول اللہ (صلی اللہ علیہ وآلہ وسلم) کو غنیمت کا مال ملا تو آپ (صلی اللہ علیہ وآلہ وسلم) نے اسے تقسیم کیا اور اس کے لیے بھی تقسیم کی اور اس کا حصہ صحابہ کو دیا اور وہ ان کے بعد ان کی حفاظت کیا کرتا تھا ۔ سو جب وہ آیا تو صحابہ نے وہ حصہ اسے دیا تو اس نے کہا : یہ کیا ہے ؟ تو صحابہ (رض) نے کہا : یہ تقسیم کا مال ہے جو آپ (صلی اللہ علیہ وآلہ وسلم) نے تیرے لیے تقسیم کیا ۔ اس نے وہ لیا اور نبی کریم (صلی اللہ علیہ وآلہ وسلم) کے پاس آیا اور اس نے کہا : کیوں نہ مجھے حلق میں تیر مارا گیا ۔ وہ مجھے مار دیتا اور میں جنت میں داخل ہوجاتا تو آپ (صلی اللہ علیہ وآلہ وسلم) نے فرمایا : ” اگر تو نے اللہ کی تصدیق کی ہے تو وہ تیری تصدیق کرے گا “۔ پھر وہ دشمن سے لڑنے کیلئے لیے آئے ، پھر اسے نبی کریم (صلی اللہ علیہ وآلہ وسلم) کے پاس اٹھا کر لایا گیا اور اسے تیر وہیں لگا تھا جہاں اس نے حلق کی طرف اشارہ کیا تھا تو نبی کریم (صلی اللہ علیہ وآلہ وسلم) نے فرمایا : یہ وہی ہے تو صحابہ (رض) نے کہا : جی ہاں تو آپ (صلی اللہ علیہ وآلہ وسلم) نے فرمایا : اس نے اللہ کی تصدیق کی اور اللہ تعالیٰ نے اسے سچا ثابت کردیا تو آپ (صلی اللہ علیہ وآلہ وسلم) نے اسے اس کے لباس میں ہی کفن دیا۔ پھر اسے آگے کیا اور آپ (صلی اللہ علیہ وآلہ وسلم) نے اس کی نماز جنازہ پڑھی اور یہ ان میں سے ہے جن کیلئے نماز جنازہ میں واضح دعا کی ” کہ اے اللہ ! یہ تیرا بندہ ہے اور تیری راہ میں مہاجربن کر نکلا ہے اور یہ شہادت کی موت مرا ہے اور میں اس پر گواہ ہوں۔
عطاء کہتے ہیں کہ ان کا خیال ہے کہ آپ (صلی اللہ علیہ وآلہ وسلم) نے احد والوں کا جنازہ نہیں پڑھا۔ شیخ کہتے ہیں کہ عطاء نے کہا کہ اس بات کا احتمال ہے کہ یہ شخص جنگ کے ختم ہونے تک زندہ رہا ہو۔ پھر وہ فوت ہوا تو آپ (صلی اللہ علیہ وآلہ وسلم) نے اس کا جنازہ پڑھا اور جو پہلے فوت ہوئے ان کا جنازہ نہیں پڑھا۔