(٦٩٦٣) ابوہریرہ (رض) سے روایت ہے کہ انھوں نے عبادبن صامت (رض) سے نماز جنازہ کے بارے میں سوال کیا تو انھوں نے فرمایا : اللہ کی قسم ! میں خبر دوں گا جب تو آغاز کرے گا، تو تکبیر کہے گا ، پھر تو نبی (صلی اللہ علیہ وآلہ وسلم) پر درود پڑھے گا اور تو کہے گا : ” اَللّٰہُمَّ اِنَّ عَبْدَکَ فلان۔۔۔ ترجمہ : اے اللہ ! یہ تیرا فلاں بندہ تیرے ساتھ کسی کو شریک نہیں ٹھہراتا تھا تو خوب جانتا ہے اگر وہ نیک تھا تو اس کی نیکی میں اضافہ فرما اور اگر وہ خطا وار ہے تو اس سے تجاوز کر، اے اللہ ! ہمیں اس کے اجر سے محروم نہ کرنا اور اس کے بعد ہمیں گمراہ نہ کرنا۔