(٦٩٨١) عبداللہ بن ابی اوفی (رض) فرماتے ہیں : ان کی بیٹی فوت ہوگئی تو وہ اس کے جنازے میں ایک خچر پر نکلے، پیچھے پیچھے عورتوں نے مرثیہ کہنا شروع کردیا تو عبداللہ بن ابو اوفیٰ نے کہا : تم مرثیہ نہ کہو ، رسول اللہ (صلی اللہ علیہ وآلہ وسلم) نے مرثیہ کہنے سے منع کیا بلکہ تم میں سے جو چاہے اس کی تعریف کرے ۔ پھر انھوں نے اس کا جنازہ پڑھا او اس میں چار تکبیرات کہیں اور چوتھی تکبیر کے بعد دو تکبیرات کے درمیان وقفے کے برابر رکے اور اس کے لیے دعا و استغفار کیا پھر فرمایا : رسول اللہ (صلی اللہ علیہ وآلہ وسلم) ایسے ہی کیا کرتے تھے۔