(٦٩٨٨) ابراہیم ہجری فرماتے ہیں : ہم نے عبداللہ بن ابی اوفی کو ان کی بیٹی کے جنازے میں امام بنایا تو انھوں نے چار تکبیرات کہیں، پھر تھوڑی دیر خاموش رہے۔ ہم نے سمجھا شاید پانچویں تکبیر کہیں گے، پھر انھوں نے دائیں بائیں سلام پھیرا، جب پھرے تو ہم نے کہا : یہ کیا ہے ؟ تو انھوں نے کہا : میں اس سے زیادہ نہیں کروں گا جو میں نے رسول اللہ (صلی اللہ علیہ وآلہ وسلم) کو دیکھا ہے ، آپ ایسے ہی کیا کرتے تھے یا فرمایا : آپ (صلی اللہ علیہ وآلہ وسلم) نے ایسے ہی کیا، پھر آپ اپنی سواری پر سوار ہوئے اور غلام سے کہا : میں کہاں ہوں ؟ تو اس نے کہا : جنازے کے آگے تو آپ نے کہا : کیا میں نے تجھے منع نہیں کیا تھا اور وہ نابینا ہوچکے تھے۔