(٧٠١١) حضرت انس (رض) سے روایت ہے کہ نبی کریم (صلی اللہ علیہ وآلہ وسلم) ایک قبر کے پاس سے گزرے جس میں میت دفن کی گئی تھی تو آپ (صلی اللہ علیہ وآلہ وسلم) نے فرمایا : یہ قبر کس کی ہے ؟ انھوں نے کہا : فلاں کی قبر ہے تو آپ (صلی اللہ علیہ وآلہ وسلم) نے فرمایا : تم نے مجھے کیوں نہ بتایا ؟ راوی کہتے ہیں : انھوں نے اس کو حقیر جانا اور چھوٹا تصور کیا، پھر آپ (صلی اللہ علیہ وآلہ وسلم) نے اسے دفن کیے جانے کے بعد اس کا جنازہ پڑھا اور آپ (صلی اللہ علیہ وآلہ وسلم) نے فرمایا : یہ قبریں اندھیرے سے بھری ہوئی ہوتی ہیں اور اللہ تعالیٰ میری دعا سے انھیں منور کردیتے ہیں۔