(٧٠٢٣) ابو محمد بن معبد بن قتادہ فرماتے ہیں کہ براء بن معرور پہلے شخص ہیں جنہوں نے قبلے کی طرف منہ کیا اور وہ ستر نقیبوں میں سے تھے اور وہ آپ (صلی اللہ علیہ وآلہ وسلم) کی ہجرت سے پہلے مدینے آئے ، انھوں نے قبلے کی طرف منہ کر کے نماز شروع کردی۔ جب ان کی وفات کا وقت آیا تو انھوں نے رسول اللہ (صلی اللہ علیہ وآلہ وسلم) کے لیے اپنے تہائی مال کی وصیت کی کہ وہ اسے جہاں چاہیں خرچ فرمائیں۔ انھوں نے فرمایا : جب میں فوت ہو جاؤں تو قبر میں میرا چہرہ قبلے کی طرف کرنا، آپ (صلی اللہ علیہ وآلہ وسلم) ایک سال کے بعد تشریف لائے تو آپ (صلی اللہ علیہ وآلہ وسلم) اور صحابہ نے ان کا جنازہ پڑھا اور اس کا تہائی مال اس کی اولاد کو دے دیا۔
میں نے اپنی کتاب میں ایسے ہی پایا ہے درست بات یہ ہے کہ یہ واقعہ مہینے کے بعد ہوا۔