(٧١٣) محمد بن عمرو بن عطائ فرماتے ہیں : میں سیدنا ابن عباس (رض) کے ساتھ سیدہ میمونہ (رض) کے گھر مسجد میں تھا ۔ لوگ اس شخص پر حیران ہوئے جو کہتا تھا کہ آگ پر پکی ہوئی چیز سے وضو ہے ، لوگ مثالیں بیان کرنے لگے اور کہنے لگے : ہم گرم پانی سے نہاتے تھے اور وضو کرتے تھے اور ہم مطبوخ تیل استعمال کرتے تھے۔
اور چیزوں کا بھی ذکر کیا جن کو لوگ استعمال کرتے تھے اور وہ آگ پر پکی ہوتی تھیں۔ فرماتی ہیں : میں نے اس گھر میں رسول اللہ (صلی اللہ علیہ وآلہ وسلم) کو دیکھا ہے، آپ (صلی اللہ علیہ وآلہ وسلم) نے وضو کیا، پھر کپڑے پہنے۔ مؤذن آیا تو آپ (صلی اللہ علیہ وآلہ وسلم) نماز کے لیے حجرے میں تشریف لائے جو گھر سے باہر تھا، آپ (صلی اللہ علیہ وآلہ وسلم) کو بکری کا گوشت پیش کیا گیا، آپ (صلی اللہ علیہ وآلہ وسلم) نے اس سے ایک یا دو لقمے کھائے۔ پھر نماز پڑھی اور پانی کو نہیں چھوا۔