(٧١٢٤) ام سلمہ (رض) فرماتی ہیں کہ میں نے رسول اللہ (صلی اللہ علیہ وآلہ وسلم) سے سنا کہ جب تم میت یا مریض کے پاس جاؤ تو اچھی بات کہو کیونکہ تم جو کہتے ہو فرشتے اسی پر آمین کہتے ہیں، سو جب ابو سلمہ فوت ہوگئے تو میں نے کہا : اللہ کے رسول ! میں کیا کہوں آپ (صلی اللہ علیہ وآلہ وسلم) نے فرمایا : تو کہہ : (اللَّہُمَّ اغْفِرْ لَنَا وَلَہُ وَأَعْقِبَنَا مِنْہُ عُقْبَی صَالِحَۃً ) فرماتی ہیں : میں نے یہ کلمات کہے تو اللہ تعالیٰ نے مجھے محمد (صلی اللہ علیہ وآلہ وسلم) عطا فرما دیے۔