(٧١٩٧) عبداللہ بن مسعود (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : میں تمہیں قبروں کی زیارت سے منع کیا کرتا تھا اور تین دن سے زیادہ قربانی کے گوشت سے بھی اور نبیذ کے برتنوں سے بھی۔ سو قبروں کی زیارت کیا کرو، بیشک وہ دنیا سے بےرغبتی پیدا کرتی ہیں اور آخرت کی یاد دلاتی ہیں اور قربانی کا گوشت کھاؤ اور جس قدر چاہے باقی رکھو ، میں تمہیں تب منع کیا کرتا تھا جب مال وذر کم تھا، اب اللہ نے لوگوں پر فراخی کردی ہے۔ بیشک برتن کسی چیز کو حرام نہیں کرتے مگر ہر نشہ آورچیز حرام ہے۔