(٧٣) حضرت ابو سعید خدری (رض) سے روایت ہے کہ نبی (صلی اللہ علیہ وآلہ وسلم) ایک بچے کے پاس سے گزرے جو بکری کو کھینچ کرلے جا رہا تھا۔ آپ (صلی اللہ علیہ وآلہ وسلم) نے اس سے فرمایا : ” ٹھہر جا میں تمہیں (کچھ) دکھاتا ہوں “ پھر آپ (صلی اللہ علیہ وآلہ وسلم) نے اپنا ہاتھ کھال اور گوشت کے درمیان داخل کیا، آپ (صلی اللہ علیہ وآلہ وسلم) نے ہاتھ اتنا گھسایا کہ وہ پیٹ میں چھپ گیا، پھر آپ نے لوگوں کو نماز پڑھائی لیکن وضو نہیں کیا۔
(ب) امام ابوداؤد (رح) کہتے ہیں کہ عمرو نے اپنی حدیث میں یہ اضافہ کیا ہے کہ پانی کو نہیں چھوا۔
(ج) حضرت عطاء بھی نبی (صلی اللہ علیہ وآلہ وسلم) سے یہ روایت مرسل بیان کرتے ہیں، سیدنا ابو سعید (رض) کا واسطہ ذکر نہیں کرتے۔