(٧٢٥) (الف) سیدنا سہیل سے روایت ہے کہ آپ (صلی اللہ علیہ وآلہ وسلم) نے پنیر کے ٹکڑے کھائے تو وضو کیا اور (بھنا ہوا) کندھا کھایا وضو نہیں کیا۔
(ب) سیدنا جابر بن عبداللہ (رض) سے روایت ہے کہ رسول اللہ (صلی اللہ علیہ وآلہ وسلم) ایک انصاری عورت کے پاس گئے ، آپ (صلی اللہ علیہ وآلہ وسلم) کے ساتھ صحابہ بھی تھے تو ایک بھونی ہوئی بکری آپ (صلی اللہ علیہ وآلہ وسلم) کو پیش کی گئی۔ راوی کہتا ہے : آپ (صلی اللہ علیہ وآلہ وسلم) نے کھائی اور ہم نے بھی کھائی، پھر (نماز) ظہر کا وقت ہوگیا تو آپ (صلی اللہ علیہ وآلہ وسلم) نے وضو کیا، پھر نماز پڑھی، پھر بچے ہوئے کھانے کی طرف واپس آئے۔ آپ (صلی اللہ علیہ وآلہ وسلم) نے کھایا : پھر عصر کی نماز کا وقت ہوگیا تو آپ (صلی اللہ علیہ وآلہ وسلم) نے نماز پڑھی اور وضو نہیں کیا۔