(٧٢٦٧) زھیر (رض) فرماتے ہیں کہ میرا خیال ہے کہ نبی کریم (صلی اللہ علیہ وآلہ وسلم) نے فرمایا : عشر کا چوتھائی حصہ لاؤ ، پھر اس حدیث کو یہاں تک بیان کیا اور اونٹوں میں۔۔۔ پھر ان کی زکوۃ ایسے ہی بیان کی جیسے زہری (رح) نے بیان کی کہ پچیس اونٹوں میں پانچ بکریاں ہیں۔ جب ایک زیادہ ہوجائے تو اس میں بنت مخاض ہوگی۔ اگر بنت مخاض نہ ہو تو پھر ابن لبون مذکر ہوگا پنتیس تک۔ پھر حدیث بیان کی کہ جب ایک زیادہ ہوجائے یعنی نوے سے تو اس میں دوحقے ہیں سانڈ کو قبول کرنے والے اور یہ ایک سو بیس تک ہیں۔ اگر اونٹ اس سے زیادہ ہوجائیں تو پھر ہر پچاس میں حقہ ہے۔