(٧٢٧٢) ابو عبید کی تحریر کے مطابق ایک لفظ ہے ” حوار “ یہ ابتدائی عمر ہے، پھر فصیل ہے جب وہ دودھ چھوڑے، پھر بنت مخاض ہے یعنی ایک سال کا دو سال کی عمر تک جب وہ تیسرے سال میں داخل ہوجائے تو وہ بنت لبون ہے۔ جب اس کے تین سال پورے ہوجائیں تو وہ حقہ ہے چار سال مکمل ہونے تک۔ کیونکہ وہ مستحق ہوتی ہے اس پر اونٹ چھوڑا جائے اور وہ حاملہ ہوجائے اور مذکر تب تک مونث کے پاس نہیں جاتا جب تک وہ اس لائق نہ ہوجائے اور یہ اس کے چار سال کی عمر میں ہوتا ہے اس لیے اسے حقہ کہتے ہیں اور حقہ کو طروقۃ نفحل بھی کہتے ہیں اور جب وہ پانچویں سال میں داخل ہو تو یہ ’ جذعہ ‘ کہلاتا ہے پانچ سال پورے ہونے تک اور جب وہ چھٹے سال میں داخل ہوتی ہے اور سامنے والے دانت گرجاتے ہیں اس لیے چھ سال پورے ہونے تک اسے دثنیّ کہتے ہیں اور جب وہ اپنی عمر کے ساتویں سال میں داخل ہو تو مذکر کو باعا ‘ اور مونث کو ” رباعیہ “ کہتے ہیں سات سال پورے ہوئے تک اور جب وہ عمر کے آٹھویں سال میں داخل ہوتا ہے تو اپنے ’ سدس ‘ دانت گرا دیتا ہے جو رباعی دانتوں کے بعد ہوتے ہیں اور وہ آٹھ سال پورے ہونے تک سدس اور سدیس کہلاتا ہے اور جب وہ نویں سال میں داخل ہوتا ہے تو اس کی داڑ ہیں ظاہر ہوتی ہیں تو وہ ’ بازل ‘ کہلاتا ہے داڑھوں کے استعمال کی وجہ سے ۔ جب وہ دسویں سال میں داخل ہوجاتا ہے تو اسے ” مخلف “ کہتے ہیں، اس کے بعد اس کا کوئی نام نہیں، لیکن اسے ” بازل عام “ (ایک سال بازل) یا بازلِ عامین (دو سالہ بازل) ” مخلفِ عام “ (ایک سالہ مخلف اور مخلفِ عامین (دو سالہ مخلف) اور تین سالہ مخلف پانچ سال تک کہا جاتا ہے او خلفۃً سے مراد حمل اٹھانے والا ہے۔
امام شافعی نے حرملہ کی روایت میں اونٹوں کی عمر کا تذکرہ کیا ہے اور یہ بھی فرمایا ہے کہ جو ابن مخاض نام رکھا ہے وہ مذکر کے لیے ہے کیونکہ اسے اس کی ماں سے جدا کرلیا جاتا ہے اور وہ اس وجہ سے حاملہ ہوجاتی ہے تو وہ ابن مخاض کہلاتا ہے۔ اگرچہ وہ حاملہ نہ ہو جو ابن لبون نام رکھا گیا ہے وہ اس لیے کہ اس کی ماں دوسرے کو جنم دیتی ہے اور وہ دودھ اس کا ہوجاتا ہے۔