(٧٤١٤) حارثہ بن مضرب فرماتے ہیں کہ شام کے لوگ عمر (رض) کے پاس آئے اور کہا : ہم نے بہت سا مال گھوڑے اور غلام حاصل کیے ہیں ، ہم چاہتے ہیں کہ ان میں زکوۃ ہو اور پاکیزگی ہو تو انھوں نے کہا : یہ میرے دونوں صاحبوں (محمد (صلی اللہ علیہ وآلہ وسلم) اور صدیق اکبر (رض) ) نے نہیں کیا تو میں کیسے کروں ! پھر عمر (رض) نے رسول اللہ (صلی اللہ علیہ وآلہ وسلم) کے صحابہ کی ایک جماعت میں علی (رض) سے مشورہ کیا تو علی (رض) نے فرمایا : وہ اچھا ہے اگرچہ وہ جزیے (ٹیکس) نہیں ، مگر وہ اس سے رتبہ حاصل کرسکتے ہیں۔