(٧٤٤) سوید بن نعمان (رض) نبی (صلی اللہ علیہ وآلہ وسلم) کے ساتھ خیبر کے سال نکلے، جب آپ (صلی اللہ علیہ وآلہ وسلم) مقامِ ” صہبائ “ جو خیبر کے نیچے جگہ تھی پر پہنچے تو عصر کی نماز ادا کی، پھر آپ (صلی اللہ علیہ وآلہ وسلم) نے کھانا منگوایا صرف ستو لایا گیا۔ آپ (صلی اللہ علیہ وآلہ وسلم) نے اس کی ثرید بنانے کا حکم دیا پھر آپ نے کھایا اور ہم نے بھی آپ کے ساتھ کھایا، پھر آپ (صلی اللہ علیہ وآلہ وسلم) مغرب (کی نماز) کے لیے کھڑے ہوئے ‘ آپ (صلی اللہ علیہ وآلہ وسلم) نے کلی کی اور ہم نے بھی کلی کی پھر آپ (صلی اللہ علیہ وآلہ وسلم) نے نماز پڑھائی لیکن وضو نہیں کیا۔