(٧٥٦٨) انس (رض) فرماتے ہیں کہ نبی کریم (صلی اللہ علیہ وآلہ وسلم) کی انگوٹھی اس میں تھی اور اپنے بائیں ہاتھ کی درمیانی انگلی کی طرف اشارہ کیا۔
شیخ فرماتے ہیں کہ اس بات کا شبہ ہے کہ یہ زہری کی روایت سے زیادہ صحیح ہو، جو انھوں نے انس (رض) سے روایت کی۔ آپ (صلی اللہ علیہ وآلہ وسلم) کی اس انگوٹھی کے بارے میں جو چاندی سے بنوائی تھی تو زہری نے انس سے نقل کیا کہ رسول اللہ (صلی اللہ علیہ وآلہ وسلم) کے ہاتھ میں چاندی کی انگوٹھی دیکھی، پھر لوگوں نے چاندی سے انگوٹھیاں بنوائیں اور انھیں پہنا، آپ (صلی اللہ علیہ وآلہ وسلم) نے اپنی انگوٹھی پھینکی تو لوگوں نے بھی پھینک دیں ۔ اس میں یہ شبہ ہے کہ اس قصے میں چاندی کی انگوٹھی کا تذکرہ پہلے قصہ سے ہو تو اسے وہم پر محمول کرلیا گیا کیونکہ جو آپ (صلی اللہ علیہ وآلہ وسلم) نے انگوٹھی پھینکی وہ سونے کی تھی، پھر چاندی سے بنوائی۔ ابن عمر کی روایت دلالت کرتی ہے کہ جو آپ (صلی اللہ علیہ وآلہ وسلم) نے دائیں ہاتھ میں پہنی وہ سونے کی انگوٹھی تھی، پھر اسے انس بن مالک نے بھی پھینک دیاجس کا دائیں ہاتھ میں تذکرہ کیا وہ سونے کی تھی۔