(٧٥٨٥) عمر بن یعلی طائفی ثقفی اپنے والد سے اور وہ اپنے دادا سے نقل فرماتے ہیں کہ میں نبی کریم (صلی اللہ علیہ وآلہ وسلم) کے پاس آیا تو میری انگلی میں سونے کی انگوٹھی تھی۔ آپ (صلی اللہ علیہ وآلہ وسلم) نے فرمایا : تو نے اس کی زکوۃ ادا کی ہے ؟ وہ کہتے ہیں : میں نے کہا : کیا اس میں بھی زکوۃ ہے ؟ آپ (صلی اللہ علیہ وآلہ وسلم) نے فرمایا : یہ بہت بڑا کوئلہ ہے۔ ولید کہتے ہیں : میں نے سفیان سے کہا : انگوٹھی کی زکوۃ کیسے ادا کی جاتی ہے ؟ اس کی مقدار تو ایک مثقال یا اس کے برابر ہوتی ہے ! انھوں نے فرمایا : اسے وزن میں ان چیزوں کے ساتھ ملا لیا جائے گا جن پر زکوۃ واجب ہوتی ہے پھر اس کی زکوۃ ادا کردی جائے۔