(٧٦٣٥) عبداللہ بن بریدہ اسلمی اپنے والد سے نقل فرماتے ہیں کہ میں نبی کریم (صلی اللہ علیہ وآلہ وسلم) کے پاس تھا۔ ایک عورت آئی اور کہنے لگی : اے اللہ کے رسول ! میں نے ایک باندی اپنی ماں کو صدقہ میں دی۔ میری ماں فوت ہوگئی اور باندی باقی رہ گئی تو آپ (صلی اللہ علیہ وآلہ وسلم) نے فرمایا : تیرا اجر ثابت ہوچکا اور وہ باندی میراث میں تیری طرف پلٹ آئی ، پھر اس نے کہا : وہ فوت ہوچکی ہے اور اس کے ذمے ایک ماہ کے روزے تھے ! آپ (صلی اللہ علیہ وآلہ وسلم) نے فرمایا : اپنی ماں کی طرف سے روزے رکھ، پھر اس نے کہا کہ انھوں نے حج بھی نہیں کیا تو آپ (صلی اللہ علیہ وآلہ وسلم) نے فرمایا : اپنی ماں کی طرف سے حج کر۔