(٧٦٥٩) قیس بن سعد بن عبادہ انصاری (رض) فرماتے ہیں کہ رسول اللہ (صلی اللہ علیہ وآلہ وسلم) نے انھیں عامل بنا کر بھیجا تو اس کے والد نے اسے کہا تو اتنی دیر نہ جانا جب تک رسول اللہ (صلی اللہ علیہ وآلہ وسلم) سے عہد لے لے، جب آپ تشریف لائے تو آپ (صلی اللہ علیہ وآلہ وسلم) نے فرمایا : اے قیس ! قیامت کے دن اس حالت میں نہ آنا کہ تیری گردن پر اونٹ ہو اور وہ بلبلا رہا ہو یا گائے کے ساتھ اس کی آواز بھی ہو اور نہ بکری کے ساتھ کہ وہ منمنا رہی ہو اور تو ابو رغال کی طرح نہ ہونا تو سعد (رض) نے کہا : اے اللہ کے رسول ! ابو رغال کا کیا ہوا تو آپ (صلی اللہ علیہ وآلہ وسلم) نے فرمایا : وہ مصدق تھا جسے صالح نے بھیجا تھا تو اس نے ایک آدمی کو اپنے ریوڑ میں دیکھا، جو ننانوے تھیں اور ایک چھوٹا بچہ جس کی ماں نہیں تھی۔ ان بکریوں کا دودھ ہی اس کی زندگی تھی تو بکریوں والے نے کہا : تو کون ہے ؟ تو اس نے کہا : میں اللہ کے رسول کا ایلچی ہوں تو وہ ڈر گیا اور اس نے کہا : یہ میری بکریاں ہیں ، جو تجھے پسند ہے وہ وصول کر تو اس نے دو دھ والی بکریوں کو دیکھا اور کہا : کہ یہ ہے تو اس آدمی نے کہا : یہ بچہ بھی ہے جسے تو دیکھتا ہے کہ اس کے لیے اس کے سوا کھانے پینے کی چیز نہیں ہے تو اس نے کہا : اگر تو دودھ پسند کرتا ہے تو میں بھی دودھ پسند کرتا ہوں ۔ اس نے کہا : تو اس کے عوض دو بکریاں وصول کرلے تو وہ اسی طرح اضافہ کرتا رہا حتیٰ کہ اس نے پانچ بکریاں مقرر کردیں۔ مگر اس نے پھر بھی انکار کیا، جب اس نے یہ دیکھا تو اپنے تیر کو لیا اور اسے مار کر قتل کردیا اور کہنے لگا : کسی کو لائق نہیں کہ اس کے پاس رسول اللہ (صلی اللہ علیہ وآلہ وسلم) کا ایک ایلچی مجھ سے پہلیآیا یہ خبر لے کر تو بکریوں والا صالح کے پاس آیا اور خبر دی تو صالح نے کہا : اے اللہ ابو رغال پر لعنت کر ، اے اللہ ابو رغال پر لعنت کر تو سعد بن عبادہ (رض) نے کہا : اے اللہ کے رسول ! قیس کو عاملیت سے معاف رکھیے ۔