(٧٧٥٨) عبداللہ بن عمرو بن امیہ ضمری اپنے والد سے نقل فرماتے ہیں کہ عمر (رض) اس کے پاس سے گزرے تو وہ رسیاں بٹ رہا تھا ۔ انھوں نے کہا : یہ کیا ہے ؟ میں نے کہا : میں چاہتا ہوں کہ اسے بیچ کر صدقہ کروں تو عمر (رض) نیوہ خرید لیں اور وہ اس نے اہل کو دے دیں اور کہا : میں نے رسول اللہ (صلی اللہ علیہ وآلہ وسلم) سے سنا ہے کہ آپ (صلی اللہ علیہ وآلہ وسلم) نے فرمایا : جو تم ان کو دو گے وہ بھی صدقہ ہے تو عمر (رض) نے کہا : تیرا اس بات پر گواہ کون ہے ؟ وہ سیدہ عائشہ (رض) کے پاس آئے اور دروازے کے پیچھے کھڑے ہوگئے تو سیدہ کہنے لگی : کون ہے ؟ اس نے کہا : عمرو ہے۔ کہنے لگی : تجھے کون سی چیز لائی ہے ؟ تو وہ کہنے لگے : میں نے رسول اللہ (صلی اللہ علیہ وآلہ وسلم) سے سنا کہ آپ (صلی اللہ علیہ وآلہ وسلم) نے فرمایا : جو تم ان کو دو وہ صدقہ ہے تو وہ کہنے لگی : ہاں آپ (صلی اللہ علیہ وآلہ وسلم) نے یوں ہی فرمایا ہے۔
انس بن عیاض کی حدیث سے ابو داؤد کی حدیث زیادہ مفصل و صحیح ہے۔