(٧٧٦٨) حضرت عبداللہ بن عمر (رض) فرماتے ہیں کہ دیہاتیوں میں سے ایک شخص مکہ کے راستے میں ملاتو عبداللہ نے اسے سلا م کہا اور جس گدھے پر سوار تھے اسے بھی سوار کرلیا اور اپنا عمامہ جو سر پر تھا اسے دے دیا ۔ ابن دینار کہتے ہیں : ہم نے اسے کہا : اللہ آپ کی اصلاح کرے، وہ دیہاتی لوگ بہت کم پر خوش ہوجاتے ہیں تو عبداللہ (رض) نے کہا : اس کا والد عمر بن خطاب (رض) سے بہت پیار کرتا تھا اور میں نے رسول اللہ (صلی اللہ علیہ وآلہ وسلم) سے سنا کہ آپ (صلی اللہ علیہ وآلہ وسلم) فرماتے تھے : نیکیوں میں سے بڑی نیکی والد کے ساتھ محبت کرنے والوں سے صلہ رحمی اور محبت کرنا ہے۔