(٧٨٢١) سعید بن ابی بردہ (رض) اپنے دادا سے نقل فرماتے ہیں کہ رسول اللہ (صلی اللہ علیہ وآلہ وسلم) نے فرمایا : ہر مسلمان پر صدقہ ہے۔ انھوں نے کہا : اگر وہ نہ دے پائے تو اپنے ہاتھ سے کام کرے اور اپنے آپ کو فائدہ پہنچائے اور صدقہ کرے۔ انھوں نے کہا : اگر وہ اس کی بھی طاقت نہیں رکھتا یا ایسا نہیں کرپاتا تو آپ (صلی اللہ علیہ وآلہ وسلم) نے فرمایا : پھر انتہائی ضرورت مند کی مدد کرے۔ انھوں نے کہا : اگر ایسا بھی نہیں کرتا تو فرمایا : پھر وہ بھلائی کا حکم دے ۔ انھوں نے کہا : اگر وہ ایسا بھی نہیں کرسکتا تو آپ (صلی اللہ علیہ وآلہ وسلم) نے فرمایا : پھر وہ بُرائی سے باز آجائے، یقیناوہی اس کے لیے صدقہ ہے۔