(٧٨٣٠) حضرت ابوہریرہ (رض) فرماتے ہیں کہ رسول اللہ (صلی اللہ علیہ وآلہ وسلم) نے فرمایا : آج تم میں سے کس نے روزے کی حالت میں صبح کی ہے ؟ ابوبکر (رض) نے کہا : میں نے آپ (صلی اللہ علیہ وآلہ وسلم) نے فرمایا : آج تم میں سے کس نے جنازے کی اتباع کی ہے ؟ تو ابوبکر (رض) نے کہا : میں نے۔ پھر آپ (صلی اللہ علیہ وآلہ وسلم) نے فرمایا : آج تم میں سے کس نی مسکین کو کھلایا ہے ؟ تو ابوبکر (رض) نے کہا : میں نے ، پھر آپ (صلی اللہ علیہ وآلہ وسلم) نے فرمایا : آج تم میں سے کس نے تیمارداری کی ہے ؟ تو ابوبکر (رض) نے کہا : میں نے ، تو رسول اللہ (صلی اللہ علیہ وآلہ وسلم) نے فرمایا : نہیں جمع ہوں گی یہ سب کسی مسلمان میں مگر وہ جنت میں داخل ہوگا۔