(٧٩٩٠) سیدہ عائشہ (رض) فرماتی ہیں کہ ایک شخص نبی (صلی اللہ علیہ وآلہ وسلم) کے پاس آیا اور وہ فتویٰ طلب کررہا تھا اور میں دروازے کے پیچھے سے سن رہی تھی۔ اس نے کہا : اے اللہ کے رسول ! نماز کا وقت ہوجاتا ہے اور میں جنبی ہوں تو کیا میں روزہ رکھوں تو رسول اللہ (صلی اللہ علیہ وآلہ وسلم) نے فرمایا : مجھے بھی نماز آلیتی ہے اور میں جنبی ہوتا ہوں اور میں روزہ رکھتا ہوں تو اس نے کہا : آپ (صلی اللہ علیہ وآلہ وسلم) ہماری طرح تو نہیں ہیں، آپ (صلی اللہ علیہ وآلہ وسلم) کے تو اللہ نے پہلے گناہ معاف کردیے ہیں تو آپ (صلی اللہ علیہ وآلہ وسلم) نے فرمایا : اللہ کی قسم ! میں چاہتا ہوں کہ تم سب سے زیاد ہ اللہ سے ڈرنے والاہوں اور میں زیادہ جانتا ہوں کہ میں جس قدر متقی ہوں۔