(٨٠٤) سیدہ عائشہ (رض) فرماتی ہیں کہ ام حبیبہ بنت جحش (رض) سات سال مستحاضہ رہیں اور یہ عبد الرحمن بن عوف (رض) کی بیوی تھیں، انھوں نے رسول اللہ (صلی اللہ علیہ وآلہ وسلم) سے شکایت کی تو آپ (صلی اللہ علیہ وآلہ وسلم) نے فرمایا : ” یہ حیض نہیں ہے بلکہ ایک رگ ہے، جب خون آئے تو نماز چھوڑ دے اور جب رک جائے تو غسل کر، پھر نماز ادا کر۔ “ سیدہ عائشہ (رض) فرماتی ہیں کہ ام حبیبہ (رض) ایک ٹپ میں بیٹھتی تھی جو ان کی بہن زینب بنت جحش کا تھا اور خون کی زردی پانی کے اوپر آجاتی۔
(ب) شیخ فرماتے ہیں کہ یہ الفاظ ” فَإِذَا أَقْبَلَتِ الْحَیْضَۃُ “ امام زہری کے شاگرد اوزاعی کے علاوہ کوئی بیان نہیں کرتا۔