(٨٢٠٥) کر یب (رض) فرماتے ہیں کہ ام الفضل بنت حارث نے انھیں شام میں معاویہ (رض) کے پاس بھیجا، فرماتے ہیں : میں شام آیا۔ اپنی حاجت پوری کی کہ رمضان آگیا اور میں شام میں ہی تھا ۔ میں نے جمعہ کی رات کو چانددیکھا ، پھر میں مہینے کے آخر میں مدینے آیا تو مجھ سے عبداللہ بن عباس (رض) نے چاند کے بارے میں پوچھا کہ تم نے چاند دیکھا ؟ میں نے کہا : ہاں اور لوگوں نے بھی دیکھا ۔ انھوں نے روزہ رکھا اور معاویہ (رض) نے بھی روزہ رکھا تو انھوں نے کہا : مگر ہم نے تو ہفتے کو دیکھا ہے، ہم توا بھی روزے رکھتے رہیں گے حتیٰ کہ تیس دن پورے کریں یا چاند دیکھ لیں، میں نے کہا : کیا آپ کو معاویہ کا دیکھنا کافی نہیں ہے ؟ انھوں نے کہا : نہیں رسول اللہ (صلی اللہ علیہ وآلہ وسلم) نے ہمیں ایسے ہی حکم دیا ہے۔
ہوسکتا ہے کہ ابن عباس (رض) کا ارادہ وہ ہو جو دوسرے قصے میں بیان کیا گیا کہ نبی کریم (صلی اللہ علیہ وآلہ وسلم) اسے دیکھنے تک مدت کو بڑھا دیایا پھر تعداد کو مکمل کرنے کے لیے ان کے نزدیک دوسرے ملک کی گواہی ثابت نہیں دو کی گواہی کے ساتھ حتیٰ کہ تعداد مکمل ہوجائے دیکھنے سے بھی اور اس خبر میں ایک ہیں اسی لیے قبول نہیں کیا۔