(٨٢٣١) عبداللہ بن بریدہ (رض) اپنے والد سے نقل فرماتے ہیں کہ میں نبی کریم (صلی اللہ علیہ وآلہ وسلم) کے پاس بیٹھا ہوا تھا کہ ایک عورت آئی، اس نے کہا : اے اللہ کے رسول ! میں نے اپنی ماں کو صدقے میں ایک باندی دی تھی ، مگر میری ماں فوت ہوچکی ہے تو آپ (صلی اللہ علیہ وآلہ وسلم) نے فرمایا : تیرا اجر واجب ہوگیا اور تیری میراث تیری لوٹ آئی ، پھر اس نے کہا : اے اللہ کے رسول ! اس پر ایک ماہ کے روزے بھی تھے۔ کیا میں اس کی طرف سے روزے رکھوں ؟ آپ (صلی اللہ علیہ وآلہ وسلم) نے فرمایا : روزے رکھ ، پھر اس نے کہا : اے اللہ کے رسول ! اس نے حج نہیں کیا تھا، کیا میں اس کی طرف سے حج کروں ؟ آپ (صلی اللہ علیہ وآلہ وسلم) نے فرمایا : اس کی طرف سے حج کر۔