(٨٢٥٠) حکیم بن ابی حرۃ فرماتے ہیں کہ انھوں نے ایک شخص سے سنا جو عبداللہ بن عمر (رض) سے نذر کے روزوں کے بارے میں پوچھ رہے تھے کہ ایک آدمی دن کا نام لے کر نذر مانتا ہے کہ فلاں دن نہیں آئے گا مگر میں روزے سے ہوں گا تو وہ دن عید الاضحی کا ہوتا ہے یا عید الفطر کا تو ابن عمر (رض) نے فرمایا کہ تمہارے لیے نبی کریم (صلی اللہ علیہ وآلہ وسلم) کی زندگی بہترین نمونہ ہے کہ رسول اللہ (صلی اللہ علیہ وآلہ وسلم) یوم الاضحی اور یوم الفطر کو روزہ نہیں رکھتے تھے اور نہ ہی ان میں روزہ رکھنے کا حکم دیتے تھے۔