(٨٣٣٩) اُم المومنین سیدہ عائشہ (رض) بیان کرتی ہیں کہ ایک دن رسول اللہ (صلی اللہ علیہ وآلہ وسلم) نے مجھے کہا : اے عائشہ ! کیا تیرے پاس کچھ ہے ؟ میں نے کہا : نہیں اللہ کی قسم ! ہمارے پاس کچھ نہیں۔ آپ (صلی اللہ علیہ وآلہ وسلم) نے فرمایا : میں روزے سے ہوں۔ وہ بیان کرتی ہیں کہ رسول اللہ (صلی اللہ علیہ وآلہ وسلم) نکلے تو ہمیں ھدیہ دیا گیا۔ ہمارے پاس جب رسول اللہ (صلی اللہ علیہ وآلہ وسلم) پلٹے تو میں نے کہا : اے اللہ کے رسول ! ہمیں ھدیہ دیا گیا ہے اور میں نے آپ (صلی اللہ علیہ وآلہ وسلم) کے لیے کچھ چھپالیا ہے۔ آپ (صلی اللہ علیہ وآلہ وسلم) نے فرمایا : وہ کیا ہے ؟ میں نے کہا : وہ حریسہ ہے۔ آپ (صلی اللہ علیہ وآلہ وسلم) نے فرمایا : میرے پاس لاؤ ۔ میں لائی تو آپ (صلی اللہ علیہ وآلہ وسلم) نے کھالیا۔ پھر آپ (صلی اللہ علیہ وآلہ وسلم) نے فرمایا : ویسے صبح میں نے روزے کی نیت کی تھی۔
امام مسلم بیان کرتے ہیں کہ اضافے کے ساتھ طلحہ (رض) بیان کرتے ہیں : میں نے یہ حدیث مجاہد کے سامنے بیان کی تو انھوں نے کہا : یہ صدقہ کرنے والے آدمی کی طرح ہے جو اپنے مال میں سے نکالتا ہے۔ اگر چاہے تو نکالے چاہے تو روک لے۔