(٨٣٩٩) ابو قتادہ (رض) بیان کرتے ہیں کہ ایک اعرابی نے سوال کیا رسول اللہ (صلی اللہ علیہ وآلہ وسلم) سے اس روزے کا تو آپ (صلی اللہ علیہ وآلہ وسلم) ناراض ہوگئے اور غصہ آپ (صلی اللہ علیہ وآلہ وسلم) کے چہرے سے ظاہر ہورہا تھا تو عمر بن خطاب (رض) کھڑے ہوئے اور کہنے لگے کہ ہم راضی ہوگئے اللہ کے رب ہونے پر اور سلا م کے دین ہونے پر اور آپ (صلی اللہ علیہ وآلہ وسلم) کے نبی ہونے پر میں اللہ کی پناہ میں آتا ہوں اللہ اور رسول کے غصے سے تو عمر (رض) یہ بات بار بار لوٹاتے رہے حتیٰ کہ آپ (صلی اللہ علیہ وآلہ وسلم) خاموش ہوگئے تو کہا : اللہ کے رسول (صلی اللہ علیہ وآلہ وسلم) ! آپ (صلی اللہ علیہ وآلہ وسلم) اس آدمی کے بارے میں کیا حکم دیتے ہیں جو پورا سال روزہ رکھتا ہے تو رسول اللہ (صلی اللہ علیہ وآلہ وسلم) نے فرمایا : نہ اس نے روزہ رکھا اور نہ افطار کیا اللہ کے رسول (صلی اللہ علیہ وآلہ وسلم) اس کے بارے میں کیا ہے جو دو دن روزہ رکھتا ہے اور ایک دن افطار کرتا ہے۔ فرمایا : کون ہے جو اس کی طاقت رکھتا ہے۔ پھر انھوں نے کہا : وہ کیسا ہے جو دو دن افطار کرتا ہے اور ایک دن روزہ رکھتا ہے۔ آپ (صلی اللہ علیہ وآلہ وسلم) نے فرمایا : میں سمجھتا ہوں کہ میں اس کی طاقت رکھتا ہوں ۔ پھر انھوں نے کہا : اے اللہ کے رسول ! آپ (صلی اللہ علیہ وآلہ وسلم) پیر کے روزے کے بارے کیا کہتے ہیں ؟ تو آپ (صلی اللہ علیہ وآلہ وسلم) نے فرمایا : یہ وہ دن ہے جس میں میں پیدا ہوا اور مجھ پر شریعت نازل ہوئی ۔ انھوں نے کہا : اللہ کے رسول (صلی اللہ علیہ وآلہ وسلم) ! آپ اس شخص کے بارے کیا کہتے ہیں جو ایک دن روزہ رکھتا ہے اور ایک دن افطار کرتا ہے ؟ آپ (صلی اللہ علیہ وآلہ وسلم) نے فرمایا : یہ میرے بھائی داؤد کا روزہ ہے۔ پھر انھوں نے کہا : اے اللہ کے رسول ! یوم عاشور کے روزے کے بارے آپ (صلی اللہ علیہ وآلہ وسلم) کیا فرماتے ہیں ؟ آپ (صلی اللہ علیہ وآلہ وسلم) نے فرمایا : میں اللہ پر امید رکھتا ہوں کہ وہ ایک سال کے گناہ معاف کردیگا۔ پھر انھوں نے کہا : اے اللہ کے رسول ! آپ (صلی اللہ علیہ وآلہ وسلم) اس شخص کے بارے میں کیا کہتے ہیں جس نے یوم عرفہ کا روزہ رکھا ؟ آپ (صلی اللہ علیہ وآلہ وسلم) نے فرمایا : میں امید رکھتا ہوں کہ اللہ تعالیٰ پہلے سا ل کے گناہ اور آنے والے سال کے گناہ معاف فرمادیں گے۔