(٨٤٥٣) عبدا لرحمان بن یزید (رض) بیان کرتے ہیں کہ عبداللہ نے کہا : ہم رسول اللہ (صلی اللہ علیہ وآلہ وسلم) کے ساتھ تھے اور نوجوان تھے۔ ہمارے لیے کچھ بھی نہیں تھا تو آپ (صلی اللہ علیہ وآلہ وسلم) نے فرمایا : اے نوجوانوں کی جماعت ! جو تم میں سے نکاح کی طاقت رکھتا ہے وہ شادی کرلے۔ بیشک وہ آنکھ کو جھکانے والی اور شرم گاہ کی حفاظت کرنے والی ہے اور جو کو طاقت نہیں رکھتا وہ روزے کو لازم کرلے ۔ بیشک روزہ اس کے لیے ڈھال بن جائے گا۔