(٨٤٩٧) ابن عباس (رض) کلے غلام کر یپ بیان کرتے ہیں کہ ابن عباس اور اصحاب النبی (صلی اللہ علیہ وآلہ وسلم) میں سے کچھ لوگوں نے انھیں اُم سلمہ (رض) کے پاس بھیجا کہ وہ ان ایام کے بارے پوچھیں جن میں آپ (صلی اللہ علیہ وآلہ وسلم) اکثر روزہ رکھتے تھے تو انھوں نے کہا : ہفتہ اور اتوار۔ پھر میں ان کے پاس پلٹ آیا اور انھیں یہ خبر دی تو گویا وہ اسے عجیب تصور کررہے تھے تو وہ سب ان کے پاس چلے گئے کہ ہم نے اس مسئلے کے لیے آپ (صلی اللہ علیہ وآلہ وسلم) کے پاس بھیجا تھا اور یہ کہتا ہے کہ آپ (صلی اللہ علیہ وآلہ وسلم) نے یہ بات کہی ہے تو انھوں نے کہا : اس نے سچ کہا ہے کہ بیشک رسول اللہ (صلی اللہ علیہ وآلہ وسلم) اکثر ہفتے اور اتوار کا روزہ رکھتے تھے اور فرمایا کرتے تھے یہ مشرکین کے عید کے ایام تھے اور میں ان کی مخالفت کرنا چاہتا ہوں۔