(٨٤٩٩) ابو سعید (رض) بیان کرتے ہیں کہ ایک عورت نبی کریم (صلی اللہ علیہ وآلہ وسلم) کے پاس آئی اور ہم آپکے پاس تھے تو اس نے کہا : یا رسول اللہ ! جب میں نماز پڑھتی ہوں تو میرا خاوند صفوان بن معطل مجھے مارتا ہے۔ جب میں روزہ رکھتی ہوں تو وہ افطار کروا دیتا ہے اور خود فجر کی نماز بھی نہیں پڑھتا حتیٰ کہ سورج طلوع ہوجاتا ہے۔ راوی کہتے ہیں : صفوان بھی پاس ہی تھا تو آپ (صلی اللہ علیہ وآلہ وسلم) نے اس سے پوچھا جو عورت نے کہا تھا تو انھوں نے کہا : اے اللہ کے رسول ! جو یہ بات کرتی ہے کہ میں نماز پڑھتی ہوں تو وہ مارتا ہے تو وہ یہ بات ہے وہ سورتیں پڑھتی ہے جن سے میں نے منع کیا ہے اور میں کہتا ہوں اگر تو ایک ہی سورة پڑھ لے تو سب کو کافی ہو اور اس کا یہ کہنا کہ جب میں روزے رکھتی ہوں تو وہ افطار کروا دیتا ہے تو یہ روزے ہی رکھتی چلی جاتی ہے اور میں نوجوان ہوں صبر نہیں کرپاتا۔ تب رسول اللہ (صلی اللہ علیہ وآلہ وسلم) نے فرمایا کہ عورت نہ روزہ رکھے مگر خاوند کی اجازت سے اور اس کا یہ کہنا کہ میں سورج طلوع ہونے کے بعد نماز فجر ادا کرتا ہوں تو جس خاندان سے میرا تعلق ہے وہ مشہور ہے کہ ہم سورج کے طلوع ہونے سے قبل بیدار ہو نہیں سکتے تو آپ (صلی اللہ علیہ وآلہ وسلم) نے فرمایا : جب تو بیدار ہو تو نماز پڑھ لیا کر۔