(٨٥٢٥) مالک بن مراد بیان کرتے ہیں اپنے باپ سے ۔ وہ کہتے ہیں : میں نے ابو ذر (رض) سے کہا : تو نے رسول اللہ (صلی اللہ علیہ وآلہ وسلم) سے لیلۃ القدر کے بارے پوچھا ؟ انھوں نے کہا : میں سب سے زیادہ پوچھنے والا ہوں لوگوں سے بھی زیادہ تو میں نے کہا : اللہ کے رسول (صلی اللہ علیہ وآلہ وسلم) مجھے لیلۃ القدر کے متعلق بتلائیے۔ کیا یہ رمضان میں ہے یا اس کے علاوہ بھی ؟ تو آپ (صلی اللہ علیہ وآلہ وسلم) نے فرمایا : نہیں بلکہ صرف رمضان کے مہینے میں ۔ میں نے کہا : اللہ کے نبی (صلی اللہ علیہ وآلہ وسلم) کیا اس کا تعلق انبیاء سے ہے کہ جب وہ فوت کرلیے جاتے ہیں تو یہ رات بھی ان کے ساتھ اٹھالی جاتی ہے یا پھر یہ قیامت تک ہی ہے۔ آپ (صلی اللہ علیہ وآلہ وسلم) نے فرمایا : نہیں بلکہ یہ قیامت تک ہے۔ وہ کہتے ہیں : میں نے کہا : مجھے بتلائیے رمضان کے کس حصے میں تو آپ (صلی اللہ علیہ وآلہ وسلم) نے فرمایا : اسے تلاش کر پہلے اور آخری دس دنوں میں بھی۔ اللہ کے نبی نے بیان کیا اور خوب بیان کیا حتیٰ کہ میں بھول گیا تو میں نے کہا : اے اللہ کے نبی (صلی اللہ علیہ وآلہ وسلم) مجھے خبر دیجیے کہ یہ کس عشرے میں ہے۔ آپ (صلی اللہ علیہ وآلہ وسلم) نے فرمایا : اسے آخری عشرے میں تلاش کرو اور اس کے بعد مجھ سے کچھ سوال نہیں کرنا۔