(٨٦٠١) عمرہ بن عبدالرحمن بیان کرتی ہیں کہ رسول اللہ (صلی اللہ علیہ وآلہ وسلم) نے ارادہ کیا اعتکاف کرنے کا ۔ جب آپ (صلی اللہ علیہ وآلہ وسلم) اس جگہ پلٹے جہاں آپ (صلی اللہ علیہ وآلہ وسلم) نے اعتکاف کا ارادہ کیا تھا، آپ (صلی اللہ علیہ وآلہ وسلم) نے خیمے دیکھے ۔ عائشہ (رض) ، حفصہ (رض) ، زینب (رض) کے خیمے۔ جب ان کو دیکھا تو پوچھا ان کے متعلق تو بتایا گیا کہ یہ عائشہ (رض) ، حفصہ (رض) ، زینب (رض) کے خیمے ہیں تو رسول اللہ (صلی اللہ علیہ وآلہ وسلم) نے فرمایا : اسے تم نیکی کہتے ہو۔ آپ (صلی اللہ علیہ وآلہ وسلم) پھر گئے اور شوال کے عشرے کا اعتکاف کیا۔