(٨٦٣٤) سیدنا عبداللہ بن زبیر (رض) فرماتے ہیں کہ خثعم قبیلہ کا ایک آدمی نبی (صلی اللہ علیہ وآلہ وسلم) کے پاس آیا اور اس نے کہا : اے اللہ کے رسول (صلی اللہ علیہ وآلہ وسلم) ! میرے والد نے اسلام کو پایا جب وہ بوڑھے ہوچکے سواری نہیں کرسکتے اور حج ان پر فرض ہے۔ کیا میں ان کی طرف سے حج کروں ؟ آپ (صلی اللہ علیہ وآلہ وسلم) نے فرمایا : آپ اس کے بڑے فرزند ہیں ؟ کہنے لگا : جی ہاں آپ (صلی اللہ علیہ وآلہ وسلم) نے فرمایا : کیا خیال ہے اگر آپ کے والد پر قرضہ ہوتا اور آپ اس کو ادا کردیتے تو کیا یہ کفایت کرجاتا ؟ کہنے لگا : جی ہاں، آپ (صلی اللہ علیہ وآلہ وسلم) نے فرمایا : تو اس کی طرف سے حج کرو۔