(٨٦٦٩) حسن بن ہادیہ فرماتے ہیں کہ میں ابن عمر (رض) کو ملا تو انھوں نے پوچھا : تو کہاں سے ہے ؟ میں نے کہا : اہل عمان سے، فرمایا : اہل عمان سے ؟ میں نے کہا : جی ! فرمانے لگے کہ میں تجھے رسول اللہ (صلی اللہ علیہ وآلہ وسلم) سے سنی ہوئی ایک حدیث سناؤں ؟ میں نے کہا : ضرور ! فرماتے ہیں : میں نے رسول اللہ (صلی اللہ علیہ وآلہ وسلم) کو یہ فرماتے ہوئے سنا کہ ” میں ایک ایسی زمین کو جانتا ہوں، جسے عمان کہا جاتا ہے، اس کے دونوں جانب سمندر ہے، وہاں سے حج کے لیے آنا دیگر مقامات کی نسبت دو حجوں سے افضل ہے۔