(٨٧٠٧) عبداللہ بن عمر (رض) کے آزاد کردہ غلام نافع فرماتے ہیں کہ حدیبیہ کا واقعہ رسول اللہ (صلی اللہ علیہ وآلہ وسلم) کے مدینہ آنے کے چھ سال بعد ذی قعدہ کے مہینے میں پیش آیا ہے اور اس کی قضا ساتویں سال ذی قعدہ میں کی گئی اور فتح مکہ آٹھویں سال رمضان میں ہوا، پھر نبی (صلی اللہ علیہ وآلہ وسلم) فوراً حنین اور طائف کی طرف گئے۔ جب شوال میں واپس آئے تو جعرانہ سے عمرہ کا حرام باندھا اور عمرہ کیا، پھر عتاب بن اسید (رض) نے لوگوں کو حج پڑھایا۔ انھیں رسول اللہ (صلی اللہ علیہ وآلہ وسلم) نے حج پر عامل مقرر کیا تھا، پھر نویں سال ابوبکر (رض) نے حج کروایا، ان کو بھی آپ (صلی اللہ علیہ وآلہ وسلم) نے عامل مقرر کیا تھا، پھر آپ (صلی اللہ علیہ وآلہ وسلم) نے مدینہ پہنچنے کے دسویں سال حج فرمایا اور یہی حجۃ الوداع تھا۔